Vındıbıyaye

Bine hardı ra venge miloçikan, lulikan yeno. Hard şanino ra venge inan ra. Vayo serdin, venge vergane veşanan sipeno we ano goşane mi.

Duri ra, koyan ser o venge cengi yeno hete ra. Nika her çi mi ra duri yo. Her kes mi ra duri yo.

Ez bine hardi der a ya ki hardi ser o ya? Kot der a? Goşte mi poyino yeno war.

Coke mi şikiye, ezo bekes, bewar, bekefen u bemezel... Na merdene merdena min a? No dej deje min o?

Kam nika seba mi berbeno? Kam nika seba mi sond weno vano: "hefe to genime, goniya to hard de neverdanime." Ruhe mi mi ser o nişto ro tek bi tek qiseyane mi moreno. Rîye ey de huyayişe milaketan, gelo se vano, ça huyeno, veng neno goşe mi.